«Тіл -татулық тірегі»

«Горный жалпы білім беретін орта мектеп » КММ-де 21.09.20-25.09.2020 аралығында тілдер мерекесіне арналған «Тіл -татулық тірегі» тақырыбында өткен бескүндік апталық

«Тіл-татулық тірегі» апталығының мақсаты:Оқушылардың тіл туралы ой-өрісі мен дүниетанымын кеңейту. Ана тілінің қадір-қасиетіне,болашағына қамқор болып,өзге тілді құрметтеуге тәрбиелеу.

21 қыркүйек күні «Тіл -достықтың алтын көпірі» тақырыбында 5-11 сыныптар арасында өткен лездемеге 56 оқушы қатыстырылып, баяндама оқылды.

«Үштілділік-заман талабы» тақырыбында 5-7 сыныптар арасында өткізілген мәнерлеп оқу сайысына 15 оқушы қатысты. Қазақ, орыс, ағылшын тілдерінде ақындардың өлеңдері оқылып,жеңімпаздар марапатталды. 5-сынып оқушылары Сайлаубекова Бибінұр Несіпбек Айтұлының «Ана тілім» өлеңін ,Тлек Ақбөпе Мағжан Жұмабаевтың «Қазақ тілі» өлеңін өте жоғары дәрежеде оқып, мақтау қағазымен марапатталды.

«Ұлттық рухтың негізі-ұлттық тіл» аудандық эсселер сайысына 10-11 сынып оқушылары Тұрсынбек Мадияр, Мағзұм Мадина, Сәрсентай Әди, Ерболат Төлеужан, Болатбекқызы Жанерке қатысып, үш тілде эссе жұмыстарын жазды.

«Мен тілімді жырлаймын» жыр мүшайрасына 8-11 сыныптар арасында 10 оқушы қатысты. 8-9 сынып оқушылары Нұрасылова Айзере, Тлеукенже Асылай, Жандосқызы Ұлпан, Тлек Айша өздерінің шығармашылық қабілеттерін көрсете білді.

Шоқан Уәлихановтың 185 жылдығына орай 9-сынып оқушылары арасында өткен облыстық интерактивті диктантқа 5 оқушы қатыстырылды. Қазақ тілі пәні бойынша 3 оқушы, орыс тілі пәні бойынша 2 оқушы білім сапасын көтеру мақсатында сауаттылық деңгейі мен мәтін бойынша тест сұрақтарына жауап берді.