"Горный ЖББОМ" КММ «Сабақты зерттеу – сыныпты зерттеу тәсілі ретінде» аймақтық онлайн семинар
14 қараша күні сағат 9.45 – 10.45 аралығында ZOOM платформасында «Горный жалпы білім беретін орта мектеп» коммуналдық мемлекеттік мекемесінде «Сабақты зерттеу – сыныпты зерттеу тәсілі ретінде» аймақтық онлайн семинар өтті. Семинардың мақсаты: сабақты зерттеу іс – тәжірибесімен бөлісу, мұғалімдер арасында зерттеушілік мәдениет қалыптастыру. Мектеп тренері Куттыбаева Ботакоз Амирсанаевна ұйымдастыруымен өткізілген семинарға тірек мектеп «О.Менаяқұлы атындағы орта мектеп», серіктес мектептер «Ш.Уалиханов атындағы орта мектеп», «Есімжанов атындағы орта мектеп» мұғалімдері мен мектеп теренерлері қатысты. Семинар Ботакоз Амирсанаевнаның семинар барғдарламасын таныстырумен және «Біз қалай бастадық?» слайд шоуымен ашылды. Сабақты зерттеудегі өзіндік ерекшелігімен, мақсаты, міндеттерімен таныстырды. Кейін «Сабақты зерттеуді ұйымдастыруда: Мәселе. Ізденіс. Нәтиже» тақырыбындағы мастер класын көрсетті. Мастер класс сабақты зерттеуді ұйымдастырушы мектеп тренерлеріне арналған еді. «ЛС экраны», «футбол алаңы» әдістерін топқа тарту кезеңінде қолданғанын айтса, зерттеу сұрағын таңдау кезеңінде «smart», «finner», «балмұздақ», «төңкерілген үшбұрыш», «зерттеу сұрағын тұжырымдау» әдістерінің өз тәжірибесінде жақсы нәтиже бергенін баяндап, әріптестеріне қолданып көруді ұсынды. Семинардың келесі кезеңінде Рахимберлина Назира Аскерженовна «Мұғалімнің үздіксіз дамуы үшін сабақты зерттеу тәсілінің тиімділігі» тақырыбындағы мастер класында зерттеу сұрағының өзектілігі, зерттеудің практикалық мәнін ашу мақсаты тұрды. Алдымен сабақты зерттеу үдерісін іске асырудың жоспарын таныстырып, зерттеу сұрағын қалай? Неліктен? таңдап алғандығы жөнінде айтты. Сабақ жоспарын бірлесе жасаған, зерттеу сабағының жүру барысынан бейне үзінді көрсете отырып, бұрынғы ашық сабақ пен қазіргі сабақты зерттеудің айырмашылығын, сабақты зерттеудің мұғалімнің үздіксіз дамуына үлкен септігін тигізетен айтып, сөзін қорытындылады. Бекмұратқызы Тоғжан әріптесінінің сөзін жалғастырып, «Сабақты зерттеу - мұғалім мотивациясын арттыру тәсілі» тақырыбындағы мастер класында бақылау, талқылау әдістерінің бейнеүзіндісін көрсете отырып, сандық, сапалық деректерге тоқталып, сабақты зерттеу тәсілі мұғалім мотивациясын арттырудың көзі екендігін айтты. Сөз тізгінін Нұрмаганбет Назым Нұрсұлтанқызы жалғастырды. «Нәтиже құны – өзіндік жетістік емес, бірлескен ынтымақ жетістігі» тақырыбында зерттеу сұрағына жауап беріп, бұл жұмыстардың нәтижесі облыстық «Педагогика жаршысы», республикалық «Жарқын болашақ» ғылыми әдістемелік журналдарда жарияланды. Сонымен қатар «Іс әрекетті зерттеу, сабақты зерттеу: білім беру ұйымдарында жүзеге асыру атты» халықаралық ғылыми тәжірибелік онлайн конференцияда төрт мұғаліменен тұратын команда өз тәжірибелерімен бөлісті, деп сөзін қорытындылады. Баяндамашылардың сөзінен кейін, сұрақ – жауапқа уақыт берілді. Белгіленген уақытта семинар өз мәресіне жетті. Әріптестермен кері байланыс WhatsApp қосымшасындағы уақытша ашылған ортақ чатқа «SWOТ» талдау әдісімен орнады. Тоқсан ауыз сөздің тобықтай түйіні семинар өз мақсатына жетті. Мұғалімдер сабақты зерттеудегі өз тәжірибесімен бөлісті.
