"Горный жалпы орта білім беретін мектеп" КММ

Рефлексия

Кәсіби-педагогикалық мәдениетті таратушылар, олар педагогикалық әрекетті, педагогикалық қарым-қатынасты, жеке тұлғаны құрастыратын педагогикалық еңбек арқылы жүзеге асырылады. Кәсіби-педагогикалық мәдениеттің мәнін түсіну үшін, мынадай ерекшеліктерін білу керек:

1.Кәсіби-педагогикалық мәдениет - әр түрлі формада көрінетін педагогикалық шындықтың сипаттамасы.

2.Кәсіби-педагогикалық мәдениет–ол құрылымдық-функционалдық компонеттері бар, өзіндік ұйымы бар, қоршаған ортамен өзара әрекет ететін жүйелі білім беру.

3.Кәсіби-педагогикалық мәдениеттің талдау бірлігі шығармашылық педагогикалық әрекет.

4.Кәсіби-педагогикалық мәдениетті жүзеге асыру және қалыптастыру ерекшеліктері дара шығармашылық, психофизиологиялық және жас ерекшелік, жеке тұлғаның әлеуметтік-педагогикалық тәжірибесімен шарттасып жатады.

Көрсетілген әдіснамалық негіздерді есепке алу кәсіби-педагогикалық мәдениеттің моделін құрастыруға көмектеседі. Кәсіби-педагогикалық мәдениеттің үш компоненті бар: аксиологиялық, технологиялық, жеке бастық-шығармашылық.

Кәсіби-педагогикалық мәдениеттің аксиологиялық компоненті білім беру дамуының қазіргі кезеңінде біртұтас педагогикалық процеске енгізілген адамның педагогикалық құндылықтарының жиынтығы негізінде пайда болды. Педагогикалық әрекет процесінде мұғалім пікірлер мен концепцияларды игереді, білім мен іскерлік алады, ал оның өзі педагогикалық әрекеттің гуманистік технологиясын құрады. Қоғам және жеке педагогикалық жүйе үшін білім, көзқарас, концепциялар педагогикалық құндылық ретінде көрініс табады. Педагог өз ісінің шебері болады, ал педагогикалық құндылықпен педагогикалық әрекетті игеріп, дамытады. Мектеп пен педагогикалық көзқарастардың тарихы – күнделікті бағалау, қайта құру, құндылықтарды бекіту және педагогикалық технологияларды жаңа жағдайларға игерту процесі.

Осы мәдениетті қалыптастыру үшін мектебімізге 2018  жылдан бастап сабақты зерттеу және іс әрекетті зерттеу үрдістері енгізіліп келеді. Алайда 2020-2021 енгізілген зерттеу жұмыстары айрықша нәтиже берді. Педагогикалық ұжымның көпшілігі  жұмыс бастылыққа, бос уақыттың мүлдем жоқтығына немесе өз тәжірибесіне өзгеріс енгізуден үрейленгендіктен зерттеу тобына оңай тартыла қоймады. Сондықтан «Футбол алаңы» әдісін қолдандым. Мұғалімдер бөлмесіне ілігнен әдіс не бары үш күнде өз жемісін берді. Мұғалімдердің 90% топқа тартылды. Топқа тартылғаннан кейінгі қадамым әріптестерімді топтастыру болды. Бір бірлесікте яғни қызығушылығы бір мұғалімдерді, бір сыныпқа сабақ беретін мұғалімдерді, синергетика теориясы бойынша бір мұғалімдердің тобын біріктірдім. Топтар өз жұмыстары бастамас бұрын әр топтан белсенді мұғалімдерді шақырып, сабақты зерттеудегі ұстанатын бірнеше талаптардың бар екенін ескертіп, егжей – тегжей таныстырып шығуды мектеп тренеріне ұсындым. Мектеп тренері этикалық талаптар, бақылау кезіндегі, сабақтан кейінгі талдау кезіндегі формалармен таныстырып, топ модераторларын дайындап алдық. Келесі кезекте топқа тартылған барлық мұғалімдерді «Мектеп тәжірибесі» курсында сабақты зертеу туралы айтылса да тағы бір мәрте сабақты зерттеудің теориясымен танысып шығатындай коучинг ұйымдастыруды мектеп теренеріне ұсындым.  Барлық педагогикалық ұжымды дайындап алып іске кірісіп кеттік. Асық жерге тасталды жұмыс басталды. Барлық процестердің қалай жүріп жатқанын, қандай нәтиже болып жатқанын бақылау үшін, мұғалімдер бөлмесіне сабақты зерттеуді ұйымдастырып жатқан мұғалімдердің фотосуреттері жапсырылған постер, сабаты зерттеу экранынан, құрылған үш топқа құжаттарға арналып қойылған папкалардан жұмыстардың қандай деңгейде, қалай жүріп жатқанынан хабардар болып отырдым. Кейде топтарды шабыттандыру үшін кері байластарды стикерге жазып, іліп отырдым.  Осы жерде мұғалімдердің ауызша айтылған кері байланыстары мен пікірлері мен үшін құнды болды. Қазір бір-бірімізге барып сабақ туралы, әдіс - тәсілдер сұрауға ұялмайтын болдық», «Бұрыннан неге осы зерттеумен айналыспадық екен», «Тағы зерттеу болса мен тағы қатысамын, маған үлкен көмек берді», «Қолдарына жапсырылған смайликтер балалардың белсенділігін арттырады деп ойламаппын», «Практикалық түрде шынайы сабақ берген мүлдем басқа екен»  деген сөздері мені ары қарай жұмыс істеуіме  шабыт берді. Әрине кез - келген жұмыстың қорытынды нәтижесі болары сөзсіз. Сондықтан «Сабақты зерттеу нәтижесі» деп есеп беру жаналысын өткіздік. Бұл жиналыста сабақты зерттеу бойынша жұмыс жасаған 1, 2 топтар және іс әрекетті зерттеу бойынша Қуттыбаева Б. өздерінің зерттеу жұмыстарының нәтижесін педагогикалық ұжымға таныстырды. Әріптестерінен олқылықтардың орынын толтыру  мен шабыт алу үшін кері байланыстарын алды, алдағы жұмысқа мотивация беру үшін белсенді болған ұстаздарды мектеп мақтау қағазымен марапаттадым. Әр жыл сайын Срm ұйымдастыратын халықаралық конференцияда алғашқы жылы бір мұғалім, екінші жылы төрт мұғалімнен тұратын топ, міне биылғы жылы он мұғалім бұл біздің шағын ұжымның 50% мұғалімдері өздерінің зерттеу дағдыларының, көтерілгенін көрсетіп, халықаралық конференцияда жұмыстарының нәтижесімен таныстырмақ. Сондай-ақ бұл зерттеулердің нәтижесі Республикалық «Жарқын болашақ» ғылыми әдістемелік журналдарда жарық көрді. Бұл мектеп мәдениетінің жоғарылап өсу динамикасының көрсеткіштерінің бірі деп білемін.

Медальонның екі жағы бар демекші, әрине жұмыс болған соң теріс жақтары болатыны анық. Менің тәжірибемде кездескен теріс жақтарымен таныстырып кетсем: 3 топ өз жұмыстарын жоспарлаған кезде аяқтай алмай, есеп беру жиналысында өз нәтижелерін көрсете алмады. Бұған себеп, топ синергетика теориясы бойынша құрылғандықтан топта топтық рух болмады немесе топтық рух пайда болатындай ешқандай жаттығу, тимбилдинг әдістері дұрыс таңдалмады деген қорытындыға келіп отырмыз. 

Екінші құжаттар мәселесі. Зерттеу топтарына бақылау үшін дайын шаблондарды беруіміз үлкен қателік болды себебі топтар сол шаблоннан аспайтын бақылау жүргізді.  Болашақта осы осы олқылықтардың алдына алу үшін топтық рух жасау мақсатында тимбилдинг әдісін пайдалану десек, ал құжаттарды тағы бір қарастырып шығатындай коучинг ұымдастыру керек деген шешімге келіп отырмыз.